起筷 - 22-JUN-2008 - 沙田A欄賽事 - 第七場分析
仲有4日賽事 ~ 聽日沙田A欄 ~ 10場草地 !!
第七場 - 1200m - 3班
提一提大家先 ~ 呢場係評分係60-85 ~ 算係2-3班 ~
1. 聲威旺 - 呢匹馬跑左成季 ~ 無病無痛 ~ 操練正常 ~ 但係表現麻麻 ~ 應該都唔係高班馬 ~ 呢場2-3班岩晒 ~ 上場直路受阻, 落空追個第2 ~ 冼文諾就咁被罰停賽, 今場再騎返呢隻馬, 唔搏返個win就奇 ~ 13檔係難跑d, 但係隻馬有後勁, 直路望到空唔講得笑 ~ 要佢 !!!
2. 天威 - 轉左2次馬房 ~ 鄭俊偉贏過1win ~ 徐雨石亦到贏過1win ~ 而家轉到姚本輝, 我相信佢都會贏到1win ~ 不過唔係今場 ~ 呢隻馬上季尾贏左1場之後, 今季加分上到2班完全唔夠跑 ~ 一路俾個評分頂住, 雖然今場有1檔同埋唔係2班既對手 ~ 但係今場步速唔會快, 我對梁明偉亦到無信心 ~ 唔要lu ~
3. 領航動力 - 傷病多多既馬 ~ 吳定強都肯接手 ~ 應該會交d表現出黎 ~ 今季出賽4場1000m ~ 後2場無表現, 前2場走勢好返d ~ 今場11檔會被迫係外疊 ~ 簡佢唔到 ~
4. 聖河 - 3歲自購馬 ~ 插分什高 ~ 而家出閘都未得 ~ 今場磅重 ~ 唔會要 ~ 不過呢隻馬夏佳理有份 ~ 下季加入留意 ~
5. 威騰 - 一匹早熟馬 ~ 睇返佢海外賽績, 總供跑左6場直路賽 ~ 2冠3季 ~ 黎香港再跑4場, 1冠1亞2殿 ~ 唔係講笑 ~ 而家1200m應該最首本 ~ 上場雖然贏d馬水準唔高 ~ 但係慢步速之下追上黎唔簡單 ~ 呢匹馬鬥心好 ~ 今場3檔好位 ~ 應該貼到欄 ~ 最驚其實係巫斯義, 佢近期表現麻麻 ~ 不過點到要拖佢架啦 !!!
6. 春之日 - 後追馬 ~ 4歲跑過6場 ~ 1W1P, 成績都唔錯 ~ 隻馬出親都有飛 ~ 今場都唔例外 ~ 排12檔, 雖然會留後, 但同場有好幾匹後上馬, 應該令佢貼唔到欄, 要走外疊 ~ 同埋佢應該唔急係季尾搏 ~ 咁熱唔要佢 ~
7. 砲嘜 - 現時之大熱馬 ~ 5月16日右前蹄不良於行 ~ 不過上場已經話我地知佢無晒事 ~ 之後韋達就一路捉住佢唔放 ~ 呢隻馬跑一場好過一場 ~ 今場快馬唔多, 佢應該會跟前係2疊有遮檔咁跑 ~ 步速會有少優勢 ~ 一定要簡 !!!
8. 太極之光 - 呢隻馬都幾犀利 ~ 今季7歲都仲可以3W2P ~ 不過o係係泥地 ~ 老馬已經轉型, 跑返草地唔要佢 ~
9. 八逢九紫 - 今季1出即勝 ~ 之後跑10場最叻第4 ~ 評分見盡 ~ 要贏就要大幅進步 ~ 而家4歲仲後生 ~ 減下分下季再黎過吧 ~
10. 快步速 - 8歲老馬 ~ 今季有1Win算係有交待啦 ~ 呢幾場全部係尾返來 ~ 減多d分, 下季贏多場退休 ~
11. 貝利高 - 3歲馬 ~ 呢場半數都係3,4歲馬 ~ 季尾都係睇高d佢地架啦 ~ 呢隻海外贏過一場1400m ~ 上場初出表現唔錯 ~ 出閘醒神 ~ 返來無力 ~ 跑過一場照計會再成熟d ~ 今場檔位又好 ~ 柏寶係咪做唔到磅呢? 不過佢唔騎用高雅志一樣掂 ~ 呢隻要拖 !!!
12. 大關刀 - 灰馬仔 ~ 跑左7場都無野睇 ~ 咁快又出 ~ 多數減分 ~ 下季下季 ~
13. 同歡笑 - 插分太高 ~ 用左成季黎減分 ~ 今季開始有表現 ~ 跑左5場Place ~ 2場第4 ~ 但係隻馬好似體力下降 ~ 跑得有點兒太多 ~ 可能都係想再減下分 ~ 4連環先拖吧 ~
14. 哈哈大少 - 今季都未有表現 ~ 但係跑左9場, 6場有獎金 ~ 都算係咁 ~ 4月既時候 ~ 操練停左淨係游水 ~ 無記錄唔知咩事 ~ 上場表現亦都一般 ~ 今場縮程可能想變招 ~ 但係抽到14檔 ~ 難攪d ~ 唔要啦 ~
大家參考下 ~
贏多d ~
[ 本帖最後由 ccchunghome 於 2008-6-22 18:07 編輯 ]
