起筷 - 28-JUNE-2008 - 沙田日馬泥草混合戰 - A+3欄 - 第三場分析
今日又黎泥草混合戰 ~ 11場賽事 ~ 12:25開跑 ~ A+3欄 ~
得返3日賽事ja ~ 大家要搵錢就快啦 ~
第三場 - 1600m - 5班
1. 中游名駒 - 今季初表現好好 ~ 跑5場都有獎金 ~ 有1Win ~ 但係1月28日會厭被覆蓋及間歇性軟顎移位, 跟住2月2日喉部接受手術,矯正會厭被覆蓋的毛病 ~ 之後跑左3場, 無晒表現 ~ 上場仲退出埋tim ~ 睇黎就未養返好啦 ~ 就算落返5班都唔要住 ~
2. 哈哈霸 - 9歲馬 ~ 表現退化 ~ 今季入過3次冷Place ~ 今場無得俾佢輕鬆放 ~ 有悅目同馬駿寶迫住佢 ~ 頂佢係2疊 ~ 返黎都應該無力 ~ 但係睇完全場d馬之後, 都係要拖埋呢隻前領馬, 因為d馬真係太水啦 ~ 可能佢同悅目可以一齊放到返黎唔奇 ~ 西哥加油 ~ 要啦 !!!
3. 悅目 - 呢幾季都係咁減分 ~ 今季初出跑入Q, 之後11場place都無 ~ 所負什遠 ~ 不過今場形勢又唔差 ~ 有個2檔 ~ 應該輕易貼欄放頭 ~ 而且今場d馬好水 ~ 佢岩岩落5班 ~ 尾季又有利放頭 ~ 有機會放到入3甲 ~ (其實係後面d馬追唔到上黎) ~ 要簡 !!!
4. 自由鳥 - 前仗於賽日早上被小組按照獸醫意見（發燒）著令退出 ~ 上仗再跑無野睇 ~ 不過之後操練就非常積極, 又快踱又快操 ~ 換王志偉親自草閘 ~ 今場又轉晒配備 ~ 擺明車馬咁 ~ 不過我就真係唔多信佢跑到入黎 ~ 自己唔會簡 ~
5. 華協寶寶 - 跑11場都未入過place ~ 上場跑第六 ~ 睇返個場賽事 ~ 佢表現得幾好 ~ 有d漏閘 ~ 入直路受催策上前 ~ 輸個幾馬位 ~ 跑多200m應該仲岩 ~ 呢d團體馬唔心急 ~ 今季只係出賽七場 ~ 後生馬體力應該無問題 ~ 無病無痛, 操練正常 ~ 今場3檔貼欄好位 ~ 睇佢尾段表現啦 ~ 要簡 !!!
6. 尊係贏 - 上季係35分反彈 ~ 今季一樣, 35分就跑入Q ~ 輸短馬頭位 ~ 而家應該1800m係最好 ~ 黎海榮都幾積極, 操佢兩課 ~ 但我對佢體力有d疑問 ~ 縮返黎1600m又唔係最拿手 ~ 今場11檔 ~ 留得太後又難追, 跟得太前又要3疊 ~ 好難攪 ~ 所以唔要 ~
7. 喜定來 - 3歲馬 ~ 跑足成季 ~ 最叻個次跑第5 ~ 其餘全部輸5,6個馬位 ~ 跑1000m都輸5,6個馬位好遠下, 季內仲試過2次發熱 ~ 呢d馬簡唔到 ~
8. 魅力影子 - 前仗出賽1600m, 末段追勢好好 ~ 仲以為隻馬跑長d會好d ~ 點知上場1800m尾段又無力 ~ 唔知係咪因為個場地問題 ~ 玩死人 ~ 但係隻馬本身真係唔錯的 ~ 10檔無咩問題, 隻馬都係留後衝一段 ~ d馬咁水之下, 一衝而破唔出奇 ~ 要佢啦 !!!
9. 煇煌駒 - 泥地表現幾好既馬 ~ 今季跑5場 ~ 除左有次退出, 1Win全部有獎金 ~ 今場跑返草地又要估 ~ 我就唔多鐘意 ~ 除非個地好軟啦 ~ 唔係唔簡 ~
10. 彪形大漢 - 真係犀利 ~ 今季有2Win ~ 一個place都唔跑 ~ 搏親即贏 ~ 同埋佢d跑法後追又得,前領又得 ~ 好難捉 ~ 上場捉唔到既話, 今場都唔使簡架啦 ~
11. 威風 - 5歲馬今季打開勝利之門 ~ 仲有一次入Q, 都係係跑馬地, 之後成日跑6,7,8咁 ~ 減分好慢 ~ 雖然而家28分佢又差唔多反彈, 但係今次係沙田, 同埋換左巫斯義上去 ~ 更加無信心 ~ 返跑馬地先睇你 ~
12. 馬駿寶 - 今季轉戰泥地 ~ 4戰全部有Place, 表現穩定 ~ 今場跑草地, 仲要1600m ~ 根本唔岩跑 ~ 就算會守到貼欄靚位都唔要啦 ~
13. 快利寶 - 呢隻馬季中近過一輪 ~ 贏d獎金 ~ 跟住又無乜表現, 上場變一變配備改用白德民又近返 ~ 減佢2分都幾多 ~ 而家25分, 梁定華會想減多d分定係而家開餐呢 ~ 睇返佢近期出d馬 ~ 唔似想起筷 ~ 睇黎都係再減分, 等下季先贏1-2場咁 ~ 呢場就唔要佢 ~
14. 齊天大勝 - 呢隻馬想點, 而家16分 ~ 再無表現下季就拜拜架啦 ~ 配備係咁變 ~ 上場連泥地都跑埋 ~ 好似無乜板斧 ~ 佢連1/7既賽事都報埋名 ~ 訓身架啦 ~ 但係呢d馬真係無乜投注價值, 跑到入黎一齊拍下手掌啦 ~
大家參考下 ~ 贏多d ~
[ 本帖最後由 ccchunghome 於 2008-6-28 15:05 編輯 ]
