就黎頭場開跑 ~ 整多場心水先 ~
又開始落雨啦 ~ 真係麻煩 ~

第六場 - 1400m - 4班


1. 愛得威 - 由沈集成轉去薛達志, 上季表現好好既馬 ~ 多數跑跑馬地1650m ~ 但係沙田1400m都有贏過 ~ 今季上左3班 ~ 表現不過不失 ~ 睇返佢d往積 ~ 有表現多數貼欄, 今場12檔, 如果肯收慢留後追一段, 三甲有機 ~ 就要佢啦 !!!

2. 愛拚者勝 - 4歲馬跑過3場 ~ 1W1P ~ 初出個場輸左之後, 操練停左 ~ 成個一月差唔多淨係游水 ~ 唔知咩事, 無紀錄 ~ 但係5月一出入P ~ 沿途蝕位走3疊 ~ 直路箭似的衝上黎 ~ 之後個場自做步速, 由頭帶到尾, 贏來輕鬆 ~ 加左8分仲係4班有著數 ~ 普萊西騎到, 徐君禮一樣得 ~ 仲有磅減tim ~ 內檔前速唔快 ~ 有機會跟到有聲有色之後靚位 ~ 要簡 !!!

3. 勁惑 - 今季係徐君禮跨下帶來一場勝仗 ~ 之後表現有點飄忽 ~ 時好時壞 ~ 上場力拼下以短馬頭位輸左俾威陽, 呢隻馬唔聽話 ~ 出閘成日受碰撞 ~ 但係隻馬鬥心好好 ~ 最後一段經常有野睇 ~ 最衰今場排13檔 ~ 搶上黎放會晒左好多力 ~ 但係白德民都捉住佢唔放, 好似想交代下咁 ~ 四連環腳啦 ~

4. 喜勇駿 - 今季跑左5場 ~ 成績一般 ~ 出親都會有飛 ~ 韋達上場係跑馬地追到個第4 ~ 表現不俗 ~ 復課加緊操練 ~ 韋達都捉住佢快操過3課 ~ 好有心機 ~ 睇黎想贏返場咁 ~ 戰意鮮明 ~ 可惜今場抽個10檔 ~ 要靠騎師d騎功, 走4,5位2,3疊有遮擋咁跑 ~ 希望佢體力搭夠 ~ 追入個place ~ 要呢隻 !!!

5. 游龍獻瑞 - 7歲馬 ~ 今季43分反彈贏馬, 50分再贏多場 ~ 夠晒皮了 ~ 係而家呢個分好難再贏 ~ 況且贏個兩場都唔係巫生騎 ~ 佢變左減分騎師了 ~ 唔要lu ~

6. 有聲有色 - 前兩季加分什多 ~ 今季要等到45分先黎料 ~ 近前或放頭跑既馬 ~ 上場起步失蹄, 不過呢隻馬成日都係咁 ~ 結果追返黎得個第5 ~ 老馬唔會等下季架啦 ~ 今場居然換柏寶上去 ~ 擺到明就同你搏 ~ 柏寶亦到親要操佢一課 ~ 有晒誠意 ~ 今場4檔貼欄好位 ~ 一於簡佢 !!!

7. 勁飛飛 - 質新馬出賽5次, 3場跑第4 ~ 睇返佢上幾場, 走勢都不過不失 ~ 呢d馬實有得贏 ~ 使乜心急 ~ 下季分分中贏你3,2場 ~ 而家唔會點搏啦 ~ 減下分又教下隻馬咁啦 ~ 況且同場要左韋達, 就唔要高雅志啦 ~ 佢地十年都唔串一次Q ~

8. 龍子 - 3歲馬5月先開始跑 ~ 表現平平 ~ 同呢班馬無得跑 ~ 可能又係插分高左d ~ 減下分先 ~ 下季再睇 ~

9. 迎豐泰 - 從來都未有過表現既馬 ~ 前兩季受傷患形響 ~ 今季有試過左前腳不良於行 ~ 抖左好耐 ~ 上場腳患馬跑軟地都輸22個馬位 ~ 唔會簡到佢啦 ~

10. 我跑得 - 跑過3場1000m都係尾返來 ~ 根本未識跑 ~ 今場加程到1400m, 教馬性質吧 ~

11. 滿高 - 呢隻馬成日跑3344 ~ 今季跑11場6場有place ~ 白德民同冼毅力都騎過 ~ 就係Win唔到 ~ 評分無乜大變動 ~ 今場7檔都係留後追, 睇黎都係得個近字 ~

12. 奮進 - 都係3歲質新馬 ~ 上場增程200m無力 ~ 不過睇黎近前跑會好d ~ 但係今場12檔 ~ 佢要2,3疊咁上黎 ~ 尾段一樣係斷 ~

13. 大唐勇將 - 密密跑既3歲馬 ~ 今季12月開始, 跑左11場 ~ 近4場開始有表現啦 ~ 但係上返黎4班 ~ 對住呢d對手 ~ 佢又係難跑 ~ 11檔難以寄予厚望 ~

14. 確係叻 - 今季都跑得幾好架啦 ~ 跑9場7場有獎金 ~ 但係老馬5月14日傷左 ~ 左後腿不良於行,跗關節皮下水腫,左前腿肌腱受傷 ~ 真係多野 ~ 上場再出表現不及以往 ~ 可能養唔返tim ~ 觀望性質 ~

大家參考下 ~ 贏多d

[ 本帖最後由 ccchunghome 於 2008-6-28 15:06 編輯 ]

中無肉食PQ ~

勁詳細分析