起筷 - 1-JULY-2008 - 沙田日馬全草戰 - B+2欄 - 第二場分析 - 有冷有熱
最後一次沙田賽事啦 ~ 跑足11場 ~ 12:25開跑 ~
大家搏殺啦 ~~~~~
第二場 - 1200m - 4班
提提大家 ~ 12. 奇蹟 已經退出左 ~ 同埋呢場得12隻馬跑 ~
1. 超力好 - 今場應該會係放頭馬 ~ 上季贏左兩場 ~ 今季係3班根本唔夠跑 ~ 一味減分 ~ 終於係季尾落到4班 ~ 今場縮程黎跑 ~ 抽到1檔, 尾季又利前領 ~ 應該係機會馬, 但係何良d馬好似已經開始抖暑 ~ 呢隻會唔會搏都係未知之數 ~ 上場最尾都係無力 ~ 加上有隻威霸龍係到攪攪陣 ~ 列入四連環腳好了 ~
2. 競駿精神 - 質新馬一出即勝 ~ 贏雙辣短馬頭位 ~ 雙辣28號再出跑入Place, 跑第4既喜萬家都係28號再出, Win埋 ~ 呢隻無理由唔睇住 ~ 雖然今場抽到最外檔 ~ 難免要洩位 ~ 但係隻馬應該係超4班 ~ 如果超力好同威霸龍搶得快, 佢都會有機會切入內欄 ~ 熱都要簡架啦 !!!
3. 得寶飛駒 - 3歲馬跑左6場 ~ 表現中規中矩 ~ 上場加個眼罩, 轉埋韋達, 諗住佢有d野睇 ~ 點知直路望空追兩步無力 ~ 令人失望 ~ 今次韋達都唔騎, 簡唔落手 ~
4. 京城孖寶 - 上季初由蔡生轉去吳定強馬房 ~ 積極減分 ~ 練馬師佈置得好好 ~ 今季初將隻馬"谷到恆"晒 ~ 一出即勝, 再出衝閘無跑, 再出再贏 ~ 收夠籌了 ~ 季中都係簡唔中跑入黎, 全部係跑馬地 ~ 今場沙田11檔 ~ 無作為 ~
5. 宇宙良駒 - 跨季連勝兩場1000m ~ 跟住再跑無乜表現 ~ 隻馬又無乜進步 ~ 而家黎度呢個分, 應該係時間有返d野睇 ~ 上場無遮擋咁跑3,4疊 ~ 返黎唔斷至奇 ~ 如果今場扯散d, 佢就機會跟到好位 ~ 加上呢匹馬跑黏地有d辦法 ~ 係時候要捉住佢 !!!
6. 賽馬精神 - 上場65倍跑入冷place ~ 季中16倍贏馬 ~ 生成冷門命 ~ 4月9日發現氣管內有大量膿痰之後 ~ 再跑3場表現唔錯 ~ 不過最得意係前2場跑第8,7位都唔減佢分, 上場跑入place反而減左佢1分 ~ 呢點真係奇怪 ~ 算啦唔諗 ~ 再睇返呢匹馬有成績大多係跑馬地 ~ 今次係沙田呢班對手唔弱之下, 難有表現 ~
7. 更奇妙 - 上季轉去霍利時馬房之後, 表現不俗 ~ 跑15場得4場無獎金 ~ 反觀今季表現就未如理想 ~ 要去到季中52分先開始走勢好返d ~ 好在呢匹馬鬥心都幾強, 末段好肯追 ~ 上季都係53分贏馬 ~ 今場2檔有2隻快馬開路 ~ 佢自然地走入靚位 ~ 用近期手風超順既潘頓 ~ 人馬都咁有鬥心 ~ 呢場隨時一衝而破 ~ 捉實佢先 !!!
8. 果然勁 - 今場居然呢匹馬係2.8倍大熱 ~ 真係有d估唔到 ~ 同場d馬都唔係水 ~ 咁點解會大熱?! 一. 呢匹馬係2月份開操, 課課都操足無停過 ~ 葉楚航俾晒心機落去 ~ 一步一步慢慢黎 ~ 二. 呢個應該係最主要既原因, 就係6月17日試閘 ~ 柏寶捉住隻馬都識自己走上黎 ~ 好似仲有好多係手咁 ~ 三. 短途馬王蓮華生輝係呢隻馬既同父馬 ~ 四. 一出即用柏寶, 抽埋4檔 ~ 形勢有利 ~ 咁樣數法好似真係會一出即勝咁, 但係得2.8倍叫人點買 ~ 為有簡佢做腳 !!!
9. 馬必高 - 今季都未有過表現 ~ 上場望空都唔識追 ~ 今場又變配備玩野 ~ 唔信 ~~
10. 馬主叻 - 3次發現氣管內有大量血液 ~ 真係得人驚 ~ 呢隻馬插分太高啦 ~ 要減分 ~ 今季直頭減左一班既分數 ~ 照計差唔多到位至係 ~ 但係會唔會係呢個時候去馬呢 ~ 我睇就唔會啦 ~ 換楊啟棠都係賺下策騎費架姐 ~ 唔要啦 ~
11. 威霸龍 - 徐雨石上個賽馬日發威3場頭馬 ~ 力追方嘉柏想做阿二 ~ 上場個地幫到呢匹馬 ~ 根本無得追 ~ 佢自己末段都無力架啦 ~ 就算今場韋達騎返上去我都唔簡 ~ 況且有超力好頂佢係2疊 ~ 返黎斷架啦 ~ 除非又好大雨利前領 ~ 否則都唔會簡 ~
13. 飛魚大王 - 蘇保羅同姚本輝睇黎friend底 ~ 上季隻馬減左19分 ~ 今季初就轉去俾姚本輝 ~ 即刻執左3Win,2Q ~ 上到4班唔夠跑架啦 ~ 準備下季又進行減分行動啦 ~
有冷有熱咁 ~
大家參考下 ~
最緊要贏多d ~
[ 本帖最後由 ccchunghome 於 2008-7-1 13:21 編輯 ]
