起筷 - 3-Jul-2008 - 最後的跑馬地賽事 - "A"欄 - 第三場分析
跑馬地夜馬賽事 - 8場 - A欄 - 19:15開跑
真係最後一次跑馬地啦 ~~ 終於好天 !!
不過六日內跑三日馬 ~ 真係辛苦 ~
大家煞科日 !!! 贏多D呀 ~~~~
第三場 - 1650m - 4班
1. 閃電駒 - 團體馬 ~ 一季贏一場 ~ 今季58分反彈贏左 ~ 其餘跑10場 ~ 獎金都未拎過 ~ 前場1檔,上場3檔都無表現 ~ 加上佢要留後跑 ~ 今場步速應該會正常 ~ 佢貼欄係後面要望空都難 ~ 簡唔到 ~
2. 多津美 - 上季插分入2班 ~ 攪到兩季都無表現 ~ 上場200m已經無力 ~ 就算今場落到4班都唔怕佢 ~ 又係要留後跑 ~ 重磅又無狀態 ~ 無得追 ~
3. 龍馬精神 - 隻馬上季表現幾好 ~ 2Win2Q ~ 今季隻馬老左唔夠跑 ~ 都係係度減分 ~ 前幾場開始到位啦 ~ 不過呢場隻都幾無運 ~ 成日抽大外檔 ~ 迫住要係2疊並頭放 ~ 好洩底 ~ 上場跑完之後仲要右前蹄不良於行 ~ 今場又抽12檔 ~ 至少都有隻雄威頂住佢 ~ 要唔到 ~
4. 歡樂滿堂 - 今季一出即勝 ~ 之後2月中24倍再Win ~ 跟住過一場冷河, 轉去跑泥地21倍又Win ~ 真係和味 ~ 今季咁就3win了 ~ 總共加左18分 ~ 前場報左名但係右前足不良於行退出 ~ 上場無端端走去跑場2200m ~ 結果包尾返黎 ~ 係咪d腳患未好返呢?! 今場又縮返落1650m ~ 睇返佢贏馬, 要跟前跑 ~ 今場11檔, 跟住隨時俾浪濤峰頂佢係3疊 ~ 況且徐君禮騎呢隻馬都未入過位置 ~ 唔簡佢啦 ~
5. 財富之星 - 4歲馬 ~ 今季跑左8場, 入過2次place ~ 上兩場跑第3第4 ~ 表現得唔錯 ~ 上場黏地直路走勢都不過不失 ~ 今場第一次轉戰跑馬地 ~ d馬實力弱左 ~ 咁好彩俾佢抽到1檔 ~ 唔識跑都變識跑 ~ 仲要用埋柏寶 ~ sit係雄威後面靚位 ~ 入直路有野睇 ~ 要呢隻 !!!
6. 迎豐泰 - 正一馬壇朗拿度 ~ 傷患多多 ~ 攪到5歲馬先跑得10場 ~ 無場有野睇 ~ 先係06年8月右前腿肌腱受傷, 好返左 ~ 07年5月右前腿肌腱再度受傷, 好返就到左前足不良於行 ~ 而家出黎都係俾隻馬跑輕下筋骨咁 ~ 等佢唔好忘記咩係賽馬啦 ~ 下季先再睇下點佈署吧 ~
7. 浪濤峰 - 取消個日都有要呢隻馬 ~ 今次一樣要返 ~ 8歲馬連贏3場 ~ 真犀利 ~ 不過呢匹8歲馬其實係香港只係跑左20場 ~ 平均1季跑4-5場 ~ 轉去姚本輝之後, 表現好出色, 今季跑4場草地3W1P ~ 好似唔操好唔出賽咁 ~ 上場上4班, 雖然贏得辛苦左, 但係全程2疊, 表現幾好 ~ 今場最大問題係薄奇能已經走左啦 ~ 隻馬無左薄奇能仲可唔可以發揮得咁好呢 ~ 不過睇返姚本輝個日取消之後, 即刻操返呢隻馬 ~ 唔俾佢沉 ~ 臨埋門潘頓都親手試左課, 都放心返d ~ 加上近期姚本輝d頭馬多數都係潘頓騎 ~ 就算10檔要走2-3疊 ~ 都要簡 !!!
8. 雄威 - 轉去葉楚航之後 ~ 隻馬季季都跑得好密 ~ 15-16場咁 ~ 成績都算幾好 ~ 幫馬主嬴左400萬獎金了 ~ 隻馬上3場轉俾西哥騎1W1Q1P(雖然W個場抗議被貶) ~ 真厲害 ~ 今場換韋達 ~ 睇黎想俾佢主場表現咁 ~ 晨操韋達捉住隻馬唔放 ~ 睇黎好有信心 ~ 形勢方面, 佢應該會係貼欄領放個隻 ~ 雖然唔會係為一既放頭馬 ~ 但係貼住條欄 ~ 季尾 ~ 馬fit ~ 得119磅 ~ 達少好容易有個place ~ 捉住佢先 !!!
9. 必定好 - 5歲馬 ~ 跑左12場 ~ 今季仲未Win到 ~ 獎金就拎過8次 ~ 呢隻居中馬 ~ 末段梗會有d走勢 ~ 所以成日近 ~ 近6場1650m ~ 得上場無獎金 ~ 唔同呢隻馬要小朋友騎先得 ~ 今場賴維銘116磅 ~ 走2疊中間 ~ 係有權近既馬 ~ 團體馬要俾d交待 ~ 今場值得留意 ~ 四連環腳 ~
10. 金獎葡萄 - 跑21場都未贏過既馬 ~ 前場直路拉出外欄追受困 ~ 穿插返入中間再衝太遲 ~ 上場直路一有位 ~ 隻馬就飛到上黎 ~ 有狀態 ~ 同場跑第3既好馬加鞭再出入Q ~ 佢加1分 ~ 係有著數 ~ 今場8檔情況同必定好好相似 ~ 2疊中間 ~ 不過佢應該近前d ~ 塞車機會少d ~ 入直路衝 ~ 要簡 !!!
11. 旅英名駒 - 今季3月先轉去徐雨石馬房 ~ 隻馬季中俾大摩用晒 ~ 連搏左幾場 ~ 無功而回 ~ 轉倉後出賽4次 ~ 無段好睇 ~ 今場用魯柏軒(好似好耐無見過佢...), 就算108磅都飛唔起架啦 ~ 下季先"生"招牌吧 ~
12. 善風 - 西哥就黎騎呢一隻 ~ 上場泥地又有雨 ~ 賽積可以唔理既 ~ 前場沙田1400m, 114磅搏到盡先拎到個第三 ~ 差少少輸埋俾首騎士, 贏佢既三刀王同水晶皇再出都唔知跑左去邊 ~ 個場馬水到爆 ~ 今場抽個9檔好麻煩 ~ 留又唔係, 近前又唔係, 肯定走3疊 ~ 呢d質新馬, 都係睇下抖個暑再操會唔會進步啦 ~
度完睇返倍率 ~ 原來係四大熱門黎 ~
都唔知買唔買好 = ="
[ 本帖最後由 ccchunghome 於 2008-7-3 20:10 編輯 ]
