李 綺 虹 自 3 年 前 產 後 返 港 拍 纖 體 廣 告 ， 便 一 度 絕 跡 娛 樂 圈 ， 長 居 加 拿 大 相 夫 教 子 ， 最 近 她 高 調 返 港 復 出 ， 打 扮 性 感 出 席 各 大 小 活 動 及 電 視 節 目 之 餘 ， 還 為 瘦 面 護 膚 品 「 尖 面 療 」 擔 任 代 言 人 。
李 綺 虹 這 次 全 面 復 出 ， 外 間 即 盛 傳 她 婚 姻 出 現 問 題 。 上 周 四 （ 7 月 31 日 ） 李 綺 虹 拍 廣 告 時 接 受 本 刊 專 訪 ， 力 稱 跟 外 籍 丈 夫 Corey 情 不 變 ， 復 出 也 全 因 老 公 的 鼓 勵 。 對 於 再 踏 競 爭 激 烈 的 娛 樂 圈 ， 李 綺 虹 唔 擔 心 要 重 頭 做 起 ， 反 而 憂 慮 曾 患 的 遺 傳 精 神 病 會 再 次 病 發 。



李 綺 虹 7 月 31 日 復 出 頭 炮 拍 攝 「 尖 面 療 」 瘦 面 護 膚 品 時 ， 不 介 意 性 感 示 人 。 問 她 已 為 人 母 的 性 感 底 線 時 ， 她 笑 說 ； 「 基 本 上 冇 底 線 ， 如 果 我 有 湯 唯 咁 好 身 材 ， 我 都 唔 介 意 露 ！ 」
向 來 形 象 健 康 的 李 綺 虹 ， 復 出 即 有 機 會 拍 廣 告 ， 還 趁 機 減 走 包 包 面 ， 認 真 一 舉 兩 得 。



現 在 維 持 110 磅 的 李 綺 虹 ， 拍 攝 當 日 不 停 食 她 最 愛 的 Donuts 來 慰 勞 自 己 ， 雖 然 現 在 甚 少 做 運 動 ， 但 她 完 全 冇 有 怕 。




李 綺 虹 94 年 參 選 港 姐 奪 得 季 軍 入 行 ， 當 年 活 潑 開 朗 、 滿 口 半 鹹 淡 廣 東 話 的 「 傻 大 姐 」 形 象 ， 令 人 印 象 深 刻 。 上 周 四 （ 7 月 31 日 ） 記 者 在 廣 告 拍 攝 現 場 ， 見 到 38 歲 的 她 ， 不 單 傻 氣 不 再 ， 廣 東 話 亦 比 以 往 流 利 ， 就 連 以 往 的 運 動 員 身 形 都 縮 了 水 ， 原 來 這 些 都 是 做 好 媽 媽 的 代 價 。
「 自 從 有 囝 囝 之 後 ， 我 冇 再 好 似 以 前 咁 ． 每 日 做 幾 個 鐘 運 動 ， 依 家 只 會 陪 囝 囝 做 運 動 ， 所 以 肌 肉 冇 以 前 咁 發 達 ， 成 個 人 咪 瘦 晒 ！ 講 到 廣 東 話 好 ， 好 多 朋 友 都 咁 講 ， 可 能 學 國 語 有 幫 助 ， 加 上 我 要 教 囝 囝 講 廣 東 話 ， 咁 樣 自 己 都 有 進 步 ！ 」
3 年 前 ， 李 綺 虹 產 後 返 港 拍 攝 纖 體 廣 告 ， 成 功 纖 體 後 她 繼 續 健 康 飲 食 與 生 活 ， 所 以 現 時 的 身 形 跟 當 年 沒 太 大 分 別 。



突 患 抑 鬱 症
提 到 3 歲 半 的 兒 子 李 誠 德 ， 李 綺 虹 便 會 流 露 出 燦 爛 甜 笑 ， 她 不 諱 言 兒 子 是 她 的 開 心 果 ， 自 兒 子 04 年 9 月 出 世 後 ， 她 跟 丈 夫 Corey Solomonson 的 生 活 更 加 幸 福 美 滿 。 至 於 早 前 有 傳 她 患 上 產 後 抑 鬱 症 ， 她 澄 清 該 病 跟 產 子 無 關 ， 「 我 03 年 生 BB 之 前 已 經 有 抑 鬱 症 ， 當 時 都 唔 知 乜 事 ， 有 日 起 身 突 然 坐 度 喊 足 幾 個 鐘 。 之 後 每 日 都 係 咁 不 停 喊 ， 仲 試 過 話 要 同 我 老 公 分 開 ， 又 趕 佢 出 街 ， 叫 佢 唔 好 再 理 我 。 好 在 佢 好 體 諒 我 ， 唔 單 止 唔 介 意 ， 仲 好 有 耐 性 咁 照 顧 同 開 解 我 ， 所 以 我 真 係 好 多 謝 佢 。 」
後 來 ， 李 綺 虹 看 了 精 神 科 醫 生 ， 「 醫 生 話 我 係 遺 傳 ， 因 為 我 媽 咪 係 有 精 神 病 ， 要 長 期 食 藥 先 得 ， 唔 似 我 咁 好 得 番 。 」 李 綺 虹 經 過 9 個 月 治 療 才 完 全 康 復 ， 其 間 她 都 有 維 持 演 藝 工 作 ， 「 因 為 醫 生 話 做 可 能 對 個 病 情 有 幫 助 ， 唔 會 將 個 注 意 力 放 晒 自 己 情 緒 度 ， 所 以 陣 都 有 返 香 港 做 ， 身 邊 人 都 睇 唔 出 。 」
李 綺 虹 十 年 前 當 紅 時 曾 拍 過 不 少 名 電 影 如 《 金 枝 玉 葉 2 》 和 《 自 梳 》 等 ， 更 憑 《 自 梳 》 和 《 神 偷 諜 影 》 提 名 金 像 獎 最 佳 女 配 角 。



老 公 唔 係 食 軟 飯
李 綺 虹 上 次 返 港 亮 相 是 為 了 拍 攝 纖 體 廣 告 ， 這 次 又 以 6 位 數 字 接 拍 瘦 面 護 膚 品 廣 告 ， 但 外 間 報 道 她 丈 夫 一 直 沒 有 工 作 ， 難 免 令 人 聯 想 到 「 食 軟 飯 」 。 「 其 實 佢 一 直 有 工 作 ， 香 港 已 經 係 做 酒 保 ， 返 到 加 拿 大 除 做 酒 保 ， 仲 同 朋 友 開 自 己 餐 廳 ， 又 搞 其 他 生 意 ， 依 家 仲 考 緊 地 產 經 紀 牌 ， 佢 唔 係 大 家 諗 到 咁 ， 冇 做 靠 我 養 ！ 」
除 了 分 擔 經 濟 外 ， 李 綺 虹 還 大 讚 丈 夫 對 兒 子 很 有 耐 性 ， 「 佢 知 道 我 鍾 意 演 藝 工 作 ， 囝 囝 出 世 後 佢 支 持 我 搵 有 關 課 程 進 修 ， 到 依 家 囝 囝 大 個 ， 佢 就 買 埋 機 票 叫 我 返 香 港 再 發 展 事 業 ， 由 佢 負 責 照 顧 囝 囝 ， 真 係 好 sweet 。 佢 好 識 得 同 囝 囝 相 處 ， 試 過 我 車 去 旅 行 ， 成 個 幾 兩 個 鐘 ， 佢 可 以 陪 個 仔 不 停 唱 歌 玩 遊 戲 ， 仲 知 道 囝 囝 鍾 意 睇 《 反 斗 車 王 》 卡 通 片 ， 專 登 上 網 印 歌 詞 教 佢 唱 ， 我 反 而 淨 係 識 讀 故 事 書 俾 佢 聽 ， 同 陪 佢 做 運 動 。 」
復 出 未 知 數
雖 然 兒 子 和 丈 夫 對 李 綺 虹 非 常 重 要 ， 但 為 了 重 拾 失 落 多 時 的 演 藝 工 作 ， 她 亦 不 介 意 暫 時 離 開 他 們 返 港 發 展 ， 「 雖 然 我 加 拿 大 都 有 簽 經 埋 人 ， 舊 年 仲 接 部 電 視 電 影 去 北 京 拍 ， 但 既 然 我 香 港 已 經 有 基 礎 ， 就 咁 放 棄 真 係 好 ， 所 以 重 新 開 始 不 如 返 香 港 。 最 初 都 擔 心 冇 人 記 得 我 ， 但 返 到 好 多 人 仲 識 得 嗌 我 ， 真 係 好 意 外 好 開 心 。 」
對 於 未 來 發 展 ， 李 綺 虹 知 道 不 能 再 走 「 傻 大 姐 」 路 線 ， 所 以 唔 介 意 放 低 身 段 做 人 阿 媽 ， 「 我 唔 可 能 再 做 後 生 女 角 色 ， 但 係 一 個 劇 集 一 部 電 影 ， 除 後 生 女 仲 有 其 他 角 色 ， 就 算 做 人 阿 媽 我 都 冇 所 謂 。 」 38 歲 的 李 綺 虹 ， 知 道 幕 前 條 路 唔 會 再 好 似 當 年 順 利 ， 所 以 亦 積 極 為 幕 後 發 展 鋪 路 ， 「 依 家 開 始 寫 緊 劇 本 ， 仲 想 嘗 試 做 監 製 ， 但 係 我 唔 心 急 ， 因 為 我 決 定 呢 行 係 我 終 身 職 業 ， 唔 會 再 放 棄 。 」
李 綺 虹 明 白 今 時 唔 同 往 日 ， 唔 開 多 瓣 數 ， 又 點 可 以 呢 個 娛 圈 生 存 呢 ！
李 綺 虹 與 丈 夫 Corey 婚 後 在 溫 哥 華 定 居 ， 他 們 由 拍 拖 到 現 在 已 16 年 ， 感 情 非 常 深 厚 ， 難 怪 她 笑 說 ： 「 我 好 難 撇 甩 佢 ！ 」



由 於 李 綺 虹 的 大 屋 位 於 滑 雪 勝 地 太 陽 峰 （ Sun Peaks ） 上 ， 所 以 她 與 囝 囝 冬 天 最 佳 的 玩 意 ， 就 是 在 大 屋 旁 堆 雪 人 。



曾 經 參 加 三 項 鐵 人 賽 的 李 綺 虹 ， 是 踩 單 車 能 手 ， 原 來 囝 囝 也 遺 傳 了 她 跟 丈 夫 的 運 動 細 胞 ， 三 歲 半 已 識 單 車 和 滑 雪 等 多 項 運 動 。



去 年 李 綺 虹 到 北 京 拍 攝 電 視 電 影 兩 個 月 ， 其 間 丈 夫 專 程 帶 兒 子 到 當 地 探 班 ， 令 她 感 動 不 已 。



由 於 李 綺 虹 是 家 中 獨 女 ， 為 了 方 便 跟 父 母 天 倫 ， 幾 年 前 興 建 了 三 層 的 大 屋 跟 家 人 同 住 ， 父 母 住 在 裝 修 較 為 中 國 化 的 低 層 （ 右 ） ， 而 她 一 家 三 口 則 住 在 樓 上 兩 層 （ 左 ） 。







溫 馨 私 相 簿

李 綺 虹 近 期 每 次 出 席 公 開 場 合 ， 都 以 低 胸 或 low cut 性 感 打 扮 出 現 ， 上 周 六 （ 8 月 2 日 ） 任 《 香 港 先 生 》 評 判 時 都 不 例 外 。



已 為 人 母 的 李 綺 虹 ， 收 起 當 年 的 鬼 妹 仔 十 三 點 性 格 ， 當 晚 港 男 行 去 佢 面 前 任 摸 ， 佢 都 唔 夠 身 旁 的 官 恩 娜 雀 躍 及 狼 死 。 好 明 顯 李 綺 虹 仲 未 完 全 投 入 。



8 月 2 日 睇 港 男

上 周 二 （ 7 月 29 日 ） 晚 李 綺 虹 與 一 名 中 年 男 子 到 亞 洲 國 際 博 覽 館 睇 Alicia Keys 演 唱 會 ， 其 後 她 表 示 中 年 男 子 是 其 表 哥 ， 因 為 甚 少 親 人 在 港 ， 所 以 經 常 搵 表 哥 陪 ， 費 事 俾 人 傳 緋 聞 喎 ！



向 來 慳 儉 的 李 綺 虹 ， 以 前 在 港 發 展 試 過 由 西 貢 踩 單 車 返 清 水 灣 電 視 城 開 工 ， 現 在 慳 家 性 格 不 改 ， 去 睇 演 唱 會 都 係 食 麥 記 同 埋 逼 地 鐵 。



7 月 29 日 慳 儉 睇 演 唱 會



採 訪 ： 李 寶 昌
撰 文 ： 杜 淑 霞
攝 影 ： 陳 志 輝 、 招 景 德

sexy woman