袁彌明攝位扮股神
美 國 雷 曼 兄 弟 倒 閉 ， 觸 發 全 球 金 融 海 嘯 ， 不 少 藝 人 名 人 荷 包 大 縮 水 ， 「 三 欣 （ 忻 ） 」 洪 欣 、 吳 文 忻 及 吳 亭 欣 合 計 蒸 發 財 產 數 百 萬 ， 榮 雪 梅 更 損 失 數 千 萬 。 而 袁 彌 明 （ Erica ） 則 承 繼 死 敵 葉 翠 翠 化 身 「 股 神 」 ， 預 計 後 市 要 再 跌 二 千 點 才 有 支 持 。
港 股 昨 單 日 跌 幅 超 過 千 點 ， 股 民 擔 心 後 市 前 景 ， 「 三 欣 」 昨 分 別 接 受 記 者 電 話 訪 問 ， 齊 齊 哭 股 喪 。 「 股 壇 黑 仔 王 」 洪 欣 坦 言 ： 「 冇 七 位 數 字 ， 不 過 97 年 我 炒 孖 展 又 遇 『 正 達 事 件 』 ， 蝕 到 渣 都 冇 ， 仲 要 畀 律 師 費 ， 今 次 已 經 好 好 多 。 」
吳 文 忻 同 樣 損 失 七 位 數 身 家 ： 「 哎 ！ 同 高 峰 期 比 較 得 番 十 分 一 咋 ， 好 多 蟹 貨 手 ， 好 後 悔 之 前 冇 斬 纜 囉 ， 就 算 依 家 咁 多 抵 買 ， 我 都 已 經 冇 資 金 溝 貨 。 」
早 前 被 指 忽 然 富 貴 的 吳 亭 欣 亦 坦 言 ： 「 舊 年 買 碧 桂 園 同 銀 行 股 ， 賺 錢 走 去 買 部 車 ， 依 家 帳 面 倒 蝕 八 成 ， 就 算 再 低 都 唔 敢 貿 然 入 市 。 」
榮 雪 梅 睇 得 開
榮 雪 梅 大 手 入 市 帳 面 損 失 數 千 萬 ， 不 過 她 卻 樂 觀 表 示 ： 「 咪 當 早 幾 年 賺 錢 賠 番 落 去 ， 打 個 和 。 （ 肉 痛 ？ ） 唔 會 喎 ， 我 睇 錢 唔 係 咁 重 ， 況 且 我 又 唔 係 炒 孖 展 ， 又 唔 係 賭 身 家 ， 識 得 分 散 投 資 。 總 之 大 家 都 唔 使 太 過 恐 慌 。 」
「 港 姐 股 神 」 葉 翠 翠 電 話 全 飛 留 言 信 箱 ， 死 敵 Erica 則 乘 機 「 自 揭 身 世 」 說 ： 「 我 大 學 修 讀 國 際 金 融 ， 每 次 出 手 都 起 碼 賺 五 、 六 成 ， 我 早 已 睇 準 年 尾 前 會 跌 到 萬 八 點 ， 估 唔 到 提 早 幾 個 月 ， 我 諗 萬 六 會 有 支 持 。 我 將 投 資 分 十 份 ， 兩 份 買 黃 金 、 兩 份 買 澳 幣 ， 剩 六 成 打 算 遲 大 手 入 貨 。 （ 有 咩 諗 住 買 ？ ） 中 移 動 、 中 石 油 、 新 地 、 長 實 都 得 ， 所 以 要 留 多 現 金 。 （ 股 民 點 做 ？ ） 等 囉 ， 09 年 中 會 好 番 好 多 ， 相 信 中 央 都 暗 中 出 手 救 市 。 （ 葉 翠 翠 失 蹤 ？ ） 叫 佢 唔 好 再 立 壞 榜 樣 去 人 ！ 」 曹 永 廉 也 呻 慘 ： 「 真 係 好 慘 ！ 身 家 縮 三 分 之 二 ！ 真 係 估 唔 到 股 市 跌 成 咁 ， 難 怪 好 朋 友 都 話 我 係 明 燈 。 」
張 智 霖 走 得 快
向 來 對 炒 股 甚 有 心 得 的 張 智 霖 則 早 早 洞 悉 先 機 ， 將 手 頭 所 有 股 票 套 現 ， 避 過 今 次 「 浩 劫 」 ： 「 其 實 依 家 市 值 好 抵 ， 我 覺 得 係 時 候 入 貨 。 （ 有 乜 想 買 ？ ） 中 交 建 、 中 移 動 、 港 交 所 都 係 我 心 頭 好 。 」 譚 玉 梅 亦 提 早 離 場 ： 「 我 諗 仲 有 得 跌 ， 太 亂 ， 或 者 下 年 會 好 。 （ 買 樓 定 買 股 票 好 ？ ） 咁 買 股 票 又 真 係 容 易 賺 錢 。 」 任 達 華 則 將 股 災 歸 咎 於 美 國 ： 「 製 造 咁 多 （ 投 資 ） 產 品 出 ， 佢 太 貪 心 ， 依 家 自 食 其 果 。 （ 股 民 點 算 ？ ） 唔 好 理 佢 （ 股 票 ） 囉 ， 放 先 冇 壞 。 」
秋 官 藍 籌 股
股 民 以 往 愛 將 股 災 等 同 「 丁 蟹 效 應 」 ， 今 次 鄭 少 秋 影 響 力 可 謂 大 不 如 前 ， 他 昨 表 示 ： 「 我 藍 籌 股 多 ， 不 過 聽 新 聞 話 Ａ Ｉ Ｇ 有 事 ， 我 買 十 幾 年 Ａ Ｉ Ａ 保 險 ， 都 有 膽 心 ， 不 過 唔 驚 得 咁 多 。 」 姚 樂 怡 ： 「 對 我 無 乜 影 響 ， 要 蝕 之 前 已 經 放 好 多 。 依 家 只 係 剩 番 毫 子 股 ， 諗 住 再 擺 五 年 、 十 年 博 佢 再 升 。 」
